„Sony“ го претстави телефонот „Xperia PRO“ во февруари минатата година, заедно со моделот „Xperia 1 II“. По скоро една година, компанијата објави дека „Xperia PRO“ е достапен за претпродажба во САД, со цена од 2.500 долари.
„Sony Xperia PRO“ е скоро сличен во спецификациите со моделот „Xperia 1 II“, но има „5G mmWave“ и „5G Sub-6“ за побрз пренос на податоци, антена од 360 степени што поефикасно фаќа сигнали од „5G mmWave“ со високи фреквенции.
Спецификациите на телефонот вклучуваат 6,5-инчен (1644 x 3840p) 4K OLED HDR дисплеј, со заштита од „Corning Gorilla Glass 6“ и сооднос од 21: 9 „CinemaWide“. Уредот се напојува користи процесор „Qualcomm Snapdragon 865 7nm“ со графички процесор „Adreno 650“.
На располагање се 12 GB RAM и 512 GB внатрешна меморија, што може да се прошири преку „microSD“ картичка. Оперативниот систем „Android 11“ е задолжен за софтверска поддршка.
„Sony Xperia PRO“ на задниот модул има тројна камера којa се состои од сензор од 12MP + 12MP + 12MP, а има и предна камера од 8MP. Сензорот за отпечатоци се наоѓа на страната на рамката. Телефонот има и IP65 / IP68 отпорност на вода, „Dolby Atmos“, стерео звучници и 3,5 mm приклучок.
Тој сè напојува од батерија од 4.000mAh, со поддршка за 21W USB-PD брзо полнење и Qi безжично полнење.
