„Samsung“ досега има преставено само „5G“ варијанти на своите нови телефони од серијата „Galaxy S21“, но се чини дека е во подготовка и на поевтин модел.
Холандската страница „Galaxy Club“ ја забележа „LTE“ верзијата на стандардниот „Galaxy S21“ модел во „Bluetooth SIG“ базата на податоци. Телефонот ја користи ознаката на моделот „SM-G990F“.
Моделот „Galaxy S21“, кој ќе има само 4G поддршка, во голема мера ќе ги задржи истите спецификации како и стандардниот „5G“ модел. Тоа значи дека ќе има 6,2-инчен дисплеј од 120Hz, три камери на задната страна (главна од 12MP, „zoom“ од 64MP и ултра-широка од 12MP), како и батерија од 4.000mAh. Чиповите „Qualcomm Snapdragon 888“ и „Samsung Exynos 2100“, кои се користат во телефоните, имаат вградени „5G“ модеми. Не е јасно кој чип ќе го користи „4G“ моделот.
Почетната цена за „5G“ верзијата на телефонот е 799 долари, но скоро е сигурно дека „LTE“ моделот ќе биде барем малку поевтин.
Се очекува телефонот да не биде наменет за Европа и американскиот пазар, па затоа најверојатно „Galaxy S21 4G“ ќе биде наменет за пазари каде „5G“ мрежата сè уште не е достапна.
