Дијабетисот е хронично заболување кое се манифестира во покаченo ниво на шеќерот во крвта, како резултат на нарушување на лачењето на инсулин.
Оваа болест го добила називот “тивок убиец”, затоа што нејзините симптоми се често скриени и тешко се забележуваат. Најчеста форма на дијабетес е тип 2, кој може да биде предизвикан од прекумерна тежина, физичка неактивност, генетска предиспозиција, висок крвен притисок, намален добриот холестерол или високо ниво на триглицериди.
Како и секоја друга болест, дијабетесот може да предизвика компликации доколку не се открие на време. Затоа е многу важно да го препознаете што е можно побрзо, а ова се некои од симптомите:
Постојано чувство на замор
За разлика од здравите луѓе, кај кои шеќерот продира во клетките и се претвора во енергија, кај дијабетичарите тој останува во крвта. Резултатот е недостаток на енергија и покрај конзумирањето на храна. Еден од типичните симптоми на недијагностициран дијабетес е екстремниот замор, кој се јавува дури и кога сте одморени и наспани.
Изразено чувство на жед и често мокрење
Ако забележите зголемено чувство на жед за кое немате образложение, а кое резултира со често одење во тоалет, тоа може да биде знак дека имате дијабетес. Обрнете посебно внимание ако вашето дете пие многу течности и често мокри, бидејќи тоа е еден од првите и најочигледните знаци дека може да ја има оваа болест. Овој симптом може да биде придружен со чувство на сува уста.
Нагло слабеење
Доколку не сте на диета и не обрнувате големо внимание на вашата исхрана и не сте физички поактивни од порано, но забележувате дека одеднаш слабеете, тоа може да биде еден од симптомите на дијабетес. Високото ниво на шеќер во крвта може да предизвика ненадејно губење на тежината, дури 5-10 килограми за два до три месеци, што секако не е вообичаено, освен ако не постои посебна причина за тоа. Имено, во случај на дијабетес, хормонот инсулин не може да ја храни глукозата, па затоа останува во крвта, па затоа телото смета дека е гладно и почнува да ги троши мускулните протеини како алтернативен извор на енергија.
Зголемен глад
Прекумерена потреба за храна е уште еден знак за дијабетес, а тоа е предизвикано од промените на нивото на шеќерот. Кога паѓа нивото на шеќер, се чувствува чувство на глад и потреба за гликоза како извор на енергија.
Заматен вид
Симптомите понекогаш можат да вклучуваат проблеми со видот затоа што високото ниво на шеќер во крвта црпи течност од ткивата, вклучувајќи и од очите. Ако не се лекува, дијабетисот може да предизвика трајно оштетување на видот, а ако забележите дека видот е заматен, посетете лекар што е можно побрзо.
Чувствителни непца
Дијабетисот ја намалува можноста за борба против бактериите, со што го зголемува ризикот од инфекција на непцата. Исто така, може да се појави воспаление на непцата придружено со гној, особено ако веќе сте имале инфекции на непцата пред да се појави дијабетес.
Пецкање на стапалата и рацете
Дијабетесот е една од најчестите причини за периферна невропатија. Пецкањето се јавува најпрво во двете нозе, а потоа непријатното чувство се шири низ нозете, а истото чувство е и во рацете. Дури две третини од луѓето кои страдаат од дијабетес имаат оштетување на нервите, а во многу случаи ова е првиот симптом на болеста.
Бавно заздравување на раните
Чешање, сува кожа или слаба циркулација исто така може да бидат знаци на дијабетес. Потемна кожа на вратот или пазувите може да биде знак на отпорност на телото на инсулин и висок шеќер во крвта. Ако забележите такви промени, задолжително закажете преглед на лекар. Исто така, ако имате чести инфекции и повреди кои тешко зараснуваат и не се лекуваат лесно како порано, посетете лекар што е можно побрзо.
