Акциите на „Lenovо“, котирани на берзата во Хонг Конг, пораснаа за над 15 проценти, откако кинескиот производител на компјутери објави дека планира да пушти акции на пазарот на капитал во Шангај.
Акциите на „Lenovо“ се тргуваа во Хонг Конг по цена од 9,30 хонгконгшки долари (околу 12 американски долари), што е за 15,5% повеќе од цената на затворањето во средата, објави „CNBC“.
„Lenovo“ објави дека доставила барање до Берзата во Хонг Конг да издаде таканаречени кинески депозитни сертификати (CDR) на платформата за иновации во науката и технологијата на Шангајската берза, популарно наречена „Ѕвезден пазар“ (Star Market).
Сертификатите „CDR“ им овозможуваат на инвеститорите од Кина да купуваат акции на инкорпорирани некинески компании и се слични на американските депозитарни сертификати (ADR) што овозможуваат тргување со акции на не-американски компании на берзите во САД. Тие не се технички акции, но претставуваат удел во капиталот на компанијата.
