Овогодинешниот „CES 2021“ ни донесе најава за бројни технолошки подобрувања, како што е најавата за телефонот на „извлекување“, а на настанот имаше можност да видиме неколку интересни гаџети.
Така, на пример, „Razer“ редовно експериментира со новини, па сега ја воведе маската „Project Hazel N95“ во рамките на својот бренд со цел на заштита од коронавирусот.
„Razer“ произведува маски скоро цела година, бидејќи на почетокот на пандемијата отстапи дел од своите производствени капацитети за таа намена.
Сега, претставена е брендирана маска, од стандардот „N95“, која гарантира повисок степен на заштита од обичните хируршки маски. Маската изгледа крајно футуристички, како да е од „Cyberpunk 2077“, а од техничка страна е иста.
Маската е наменета за подолг период на употреба со заменливи филтри, од кои има два, вентилатори што работат на батерии и УВ стерилизатор што е во кутијата за безжично полнење.
Секако, присутно е и „LED“ осветлување, за веднаш да се знае дека носите маска на „Razer“. Исто така, ќе има режим на слабо осветлување за да не пречи и сјае, а „Razer“ за маската работи на патент наречен „VoiceAmp“, што ќе создаде визуелен ефект врз основа на говорот на лицето.
Коментари