Илон Маск им порача на своите следбеници на Твитер во четвртокот да ја користат “Signal“, мислејки на апликацијата за пораки, но некои тоа погрешно го разбраа.
Акциите на непозната компанија „Signal Advance“, која се тргува надвор од берзата, скокнаа за 527 проценти во четвртокот и уште 91 процент во петокот, од 60 центи на 7,19 долари по акција.
“Signal” на која мислеше Маск функционира како непрофитна организација и таа апликација служи како алтернатива на Facebook Messenger, WhatsApp и сервисот за пораки на Apple.
“Signal” во петокот објави дека нема никаква врска со „Signal Advance“.
Ништо не е чудно за Вол Стрит
Ова не е невообичаена појава на Wall Street.
Во април 2019 година, денот кога Zoom Video Communications го имаше долгоочекуваното деби на берзата, кинеската компанија наречена Zoom Technologies имаше раст од 80 проценти за два часа тргување. Нејзините акции подоцна изгубија во вредност во текот на денот, и затворија 10 проценти во минус.
Шест години порано, додека инвеститорите чекаа IPO на Twitter, акциите на Tweeter Home Entertainment Group скокнаа за над 1.000 проценти.
„Signal Advance“ е основана во Тексас под името Biodyne во 1992 година и обезбедува услуги на медицински професионалци и адвокати. Компанијата го насочи фокусот на својата работа кон употреба на технологија во здравството и го смени своето име во „Signal Advance“.
Компанијата е толку мала што не мора да поднесува извештаи до берзанските органи. Од март 2019 година, таа немаше вработени со полно работно време, освен извршниот директор Крис Хамел, кој не беше достапен да го прокоментира случајот за CNBC.
Поради приливот на „случајни“ инвеститори, пазарната капитализација на компанијата сега изнесува 660 милиони долари, 55 милиони повеќе од пред два дена. Пред четвртокот, акциите се тргуваа под еден долар од 2015 година.
