„Credit Suisse“ соопшти дека очекува да пријави нето загуба за четвртиот квартал по зголемувањето на провизиите поради долготрајната судска постапка во САД за 850 милиони долари, пренесува „Reuters“.
Банката веќе издвои 300 милиони долари во врска со случајот со хартии од вредност поддржани од хипотеките во САД, но вели дека износот ќе се зголеми, пренесува „Reuters“. Судската постапка е со осигурителот на обврзници „MBIA Inc.“, кој бара отштета од 740 милиони долари за наводно кршење на договорот.
„Иако „Credit Suisse“ претходно издвои 300 милиони долари провизии во овој случај и продолжува да верува дека има сериозни основи за жалба, на 1-ви декември 2020-та година посочивме дека ќе ја процениме потребата од дополнителни провизии“, соопшти банката во соопштението во петокот.
„Како последица на ова зголемување, заедно со очекуваното оштетување на нашиот неконтролиран интерес за „York Capital Management“, што го објавивме на 24-ти ноември 2020-та година, очекуваме да објавиме нето загуба во четвртиот квартал“, се вели во соопштението на банката.
„Credit Suisse“ објави нето добивка од 852 милиони швајцарски франци (962,28 милиони долари) во четвртиот квартал од 2019-та година. Банката треба да ги објави своите резултати за последните три месеци од 2020-та година на 18-ти февруари.
Покрај предупредувањето за профит, швајцарската банка го ажурираше своето трговско работење во декември. Според неа, нејзиниот бизнис за управување со богатство доживува посилна годишна активност, особено во Азија, што помогна да се надомести ефектот на посилниот швајцарски франк и притисокот врз нето приходите од камата. Приходите за четвртиот квартал во долари се зголемија за повеќе од 15% во споредба со претходната година.
„Credit Suisse“ додава дека нејзините планови за исплата на дивиденда за 2020-та година остануваат непроменети и покрај предупредувањето за загубата.
Минатиот месец, банката предупреди дека ризикува да испушти клучна цел за профит поради пандемијата. Акциите на банката паднаа за 2% при вчерашното утринско тргување во Цирих, што доведе до вкупна загуба од 9,5% во последните 12 месеци.
