Кинеската компанија Alibaba планира да собере најмалку 5 милијарди долари овој месец со продажба на корпоративни обврзници деноминирани во долари.
За Ројтерс изјавија четири извори запознати со плановите.
Во зависност од одговорот на инвеститорите, износот на задолженост може да достигне и 8 милијарди долари, што овој кинески лидер во електронската трговија најверојатно ќе ги искористи за покривање на општите трошоци на компанијата, изјави еден од изворите.
Собирањето средства ќе биде тест за расположението на инвеститорите према Alibaba, во услови на засилен надзор на регулаторот врз деловното работење на оваа компанија и нејзината филијала подружница Ant Group.
Кинеските регулатори започнаа антимонополска истрага против „Alibaba“ и и ’наложија на„ Ant Group “да ги смени практиките за кредитирање и други зделки за финансирање на потрошувачите, откако основачот на„Alibaba“ Џек Ма ја критикуваше финансиската регулатива на земјата во октомври минатата година
Планот за продажба на обврзниците, вклучувајќи и рок на достасување, сè уште не е завршен и е предмет на промена, рекоа извори на Ројтерс, чиј идентитет не е откриен, бидејќи тие не се овластени да разговараат со медиумите. Alibaba одби да коментира за ова прашање.
Коментари