Инвеститорот Карл Ајкан продаде повеќе од половина од својот удел во „Herbalife Nutrition“ за 600 милиони долари по цена од 48,05 долари за акција. Тој исто така поднесе оставка од петте места во управниот одбор на компанијата што ги имаа неговите претставници, се вели во изјавата цитирана од „Reuters“.
Ајкан имаше 15,5% удел во „Herbalife“ заклучно со 30-ти септември. Најновата зделка се очекува да биде затворена до 7-ми јануари, по што инвеститорот „Icahn Enterprises“ ќе поседува околу 8 милиони акции на „Herbalife“, што претставува околу 6%, се вели во соопштението.
„Wall Street Journal“ објави во неделата дека во последните денови, Ајкан продал околу 10 проценти од својот удел назад на компанија за додатоци во исхраната, која ја реализира продажбата преку повеќе маркетинг нивоа.
Остатокот од уделот на Ајкан вреди околу 400 милиони долари, според „WSJ“.
Ајкан започна да купува акции во „Herbalife“ во 2013-та година, гласно промовирајќи ја компанијата и оттогаш е нејзин најголем акционер. Истата година, „Herbalife“ и „Icahn Enterprises“ склучија договор за поддршка што и овозможи на „Icahn Enterprises“ да има пет места во управниот одбор, се додека поседува најмалку 14 милиони акции во „Herbalife“.
Бидејќи уделот на Ајкан сега паѓа под прагот од 14 милиони акции, договорот за поддршка е раскинат и претставниците на инвеститорот во одборот поднесоа оставки, соопшти „Herbalife“ во неделата.
Ајкан коментираше дека времето на активизам во „Herbalife“ е поминато. „Порано верував дека на компанијата и е потребен активист и секако се покажа дека е во ред“, рече инвеститорот во неделата. „Времето за активизам помина како што компанијата растеше, и јас обично не вложувам милијарди долари во компании каде што не е потребна нашата улога како активист“, додаде тој.
