Седумте највредни американски технолошки компании – „Apple“, „Microsoft“, „Amazon“, „Alphabet“, „Facebook“, „Tesla“ и „Nvidia“ – додадоа вкупно 3,4 трилиони долари на нивната пазарна вредност во 2020-та година, и покрај пандемијата на коронавирусот и светската економска криза, објави „CNBC“.
Силните берзански перформанси на предметните компании му помогнаа на „Big Tech“ да се пресели од 2020-та до 2021-ва година со крената глава и покрај проблемите што ги придружуваа некои од технолошки концерни.
Импресивното претставување на берзата на „Tesla“ е најголемото изненадување во овој сектор. Акциите на производителот на електрични автомобили пораснаа скоро 700% во 2020-та година, со што пазарната капитализација на компанијата се зголеми на 669 милијарди долари. И покрај затворањето на некои свои производствени капацитети на почетокот на пандемијата, „Tesla“ беше во можност брзо да продолжи со работењето и да продолжи да го шири производството надвор од САД.
Во декември, групацијата влезе во индексот „S&P 500“ откако објави пет последователни квартали на профит.
Во меѓувреме, производителот на чипови „Nvidia“ ја зголеми двојно својата пазарна вредност во 2020-та година на 323 милијарди долари, со што стана седмата по големина технолошка компанија базирана на пазарот и 16-та во САД. Силната побарувачка за нејзините графички картички го поддржа овој раст, при што приходите од нејзиниот бизнис со игри се зголемија за 37 проценти на 2,27 милијарди долари во четвртиот квартал од фискалната година.
Производителот на „iPhone“, „Apple“ објави особено импресивно зголемување на пазарната капитализација од 81% или скоро 1 трилион долари, на околу 2 трилиони долари. „Amazon“ на Џеф Безос, кој го искористи растот на трговијата преку Интернет и бизнисот со облачни услуги, па објави зголемување на неговата пазарна вредност од околу 710 милијарди долари. Пазарната капитализација на „Microsoft“ се зголеми за 480 милијарди долари, додека онаа на „Alphabet“, матичната компанија на „Google“, порасна за 268 милијарди долари. Вредноста на „Facebook“ порасна за 193 милијарди долари.
Овие растови јасно се рефлектираа во богатството на извршните директори и основачите на предметните компании. Богатството на Џеф Безос се зголеми на 190 милијарди долари, па основачот на „Amazon“ го задржа првото место. По него е шефот на „Tesla“, Елон Маск, чие богатство се искачи на 170 милијарди долари во текот на годината, според „Bloomberg Billionaires Index“. На трето место е Бил Гејтс со 132 милијарди долари, додека Марк Цукерберг е петти со 104 милијарди долари. Лери Пејџ и Сергеј Брин, основачите на „Google“, се наоѓаат на седмото, односно деветтото место, додека Стив Балмер од „Microsoft“ е осми.
