Домаќинствата во Данска во третиот квартал од минатата година имале средства во вредност од 930 милијарди долари и главно се поврзани со акции и обврзници, соопшти Централната банка на Данска.
Во последните два квартали од минатата година нивното богатство се зголемило за скоро 119 милијарди долари, со што се анулирал падот од 90 милијарди што се случил во првиот квартал.
Овие позитивни трендови се очекува да помогнат во надминување на негативните последици од мерките против пандемијата на коронавирус.
Просечното богатство на едно домаќинство е близу 335 илјади долари, но за повеќето таа сума е помала, според Централната банка на Данска.
Така на пример, 43 проценти од заштедите во пензија се во сопственост на десет проценти од населението.
