Зошто Стив Џобс ја нарече својата компанија Apple? Се верува дека причината лежи во фактот што тој го обожавал ова овошје, а инспирацијата ја добил по посетата на една јаболковата градина додека бил “фрутијанец” (т.е. јадел само овошје).
Оригиналната компанија Apple Computers ја основаа тројца мажи – Стив Џобс, Стив Возниак и Роланд Вејн. Вториот партнер го повлече својот удел само 12 дена по основањето на компанијата, за што му беа исплатени 800 американски долари. Да го задржеше својот удел, денес ќе имаше 60 милијарди долари.
Кога е основана Apple во 1976 година, многу компании избрале име со почетна буква А за да се појавуваат на почетокот на телефонските именици. Да, тоа беа антички времиња кога се користеше телефонски именик наместо Google за да се добијат информации! Не беше изненадувачки што Apple беше по азбучен ред пред Atari, нивниот најголем конкурент во тоа време.
Јаболкото му помогна на Исак Њутн да ја формулира теоријата на гравитацијата. Баш затоа за кратко време логото на Apple се состоеше од приказ на британскиот научник со јаболкото. Но, набргу е заменето со каснато јаболко.
Урбаната легенда вели дека логото на „Apple“ – гризнато јаболко – всушност е омаж на англискиот математичар Алан Туринг, кој почина во 1950-тите години откако одгризал јаболко премачкано со отровен цијанид. Иако околностите околу неговата смрт не се решени до ден-денес, работата на Алан Туринг значително влијаела на развојот на првите компјутери, па ова е само еден од начините на кои Apple сакале да оддадат почит.
Дизајнерот Роб Џеноф, кој го создаде логото на Apple, во 2009 година призна дека изгледот има практична намена. Гризот на јаболкото требало да им служи на сите како визуелен приказ дека на логото се наоѓа јаболко, а не цреша, вишна или некое друго кружно овошје.
Првиот компјутер за широка потрошувачка на Apple го добил името Macintosh, по сортата јаболка McIntosh која е исклучително популарна во Канада. Јаболкото Macintosh – скратено Мек – е овошје за сите видови на термичка обработка, а исто така е одлично и кога се јаде сурово. Се карактеризира со слатко-кисел вкус, зелено-црвена крцкава кора и мека бела внатрешност на овошјето.
Коментари