„Google“ ќе започне со продажба на облачни услуги во Саудиска Арабија преку договор со производителот на нафта „Aramco“. Со ова, интернет гигантот ризикува да предизвика гнев кај некои свои вработени кои се противат на деловно работење со индустријата за фосилни горива или со режими кои ги кршат човековите права, пишува „Bloomberg“.
Партнерството му дава на „Google“ регулаторно зелено светло да создаде како што го нарекува „облачен регион“ во кралството, соопштија компаниите. Претставници на „Google“ веќе повикаа на воздружување од соработка со индустријата за нафта и гас затоа што се загрижени за последиците по животната средина, како и со авторитарните режими.
Сепак, Томас Куријан, извршен директор на бизнис облачни услуги на „Google“, ги сврте услугите кон енергетската индустрија. Ова е една од ретките области во кои „Google“ се обидува да ги достигне „Microsoft“ и „Amazon“ на пазарот на дигитални решенија за облачни услуги.
„Со овој договор, иновативните технологии и решенија на „Google Cloud“ ќе станат достапни за глобалните клиенти и компании во Саудиска Арабија, овозможувајќи им подобро да ги опслужуваат крајните корисници“, се вели во изјавата на Куријан. „Aramco“ опишува дека пазарот на облачни услуги во земјата ќе достигне 30 милијарди долари до 2030-та година.
„Google“ соработува со „Saudi Aramco Development“, поделба на државната „Saudi Arabian Oil Co“. „Aramco“ ќе најде локален „играч“ за препродажба на облачните услуги на „Google“ во земјата. Ова ја вклучува „Snap Inc.“, клиент на облачните услуги на „Google“, што ги нуди свои услуги во кралството.
„Aramco“ објави дека потпишале прелиминарен договор со „Google“ во 2018-та година, пред големата турнеја на принцот Мохамед бин Салман во Силиконската долина. За време на ова патување, принцот го посети „Google“ и се состана со раководството на комапнијата.
Месеци подоцна, атентатот врз Џамал Кашоги, колумнист и отворен критичар на саудиските власти, предизвика остри критики од меѓународната заедница. Многу бизниси се повлекоа од финансиската конференција во земјата, а некои ги доведоа во прашање инвестициите во кралството во врска со загриженоста за кршење на човековите права. Централната разузнавачка агенција ги испита обвинувањата дека принцот го наредил атентатот, што ги засени односите меѓу Саудиска Арабија и Соединетите држави.
Подоцна истата година, „Google“ објави список на принципи поврзани со нејзината технологија и вештачка интелигенција откако вработените во компанијата протестираа. Тогаш стана јасно дека се забрануваат системи за вештачка интелигенција кои се спротивни на принципите на меѓународното право и човековите права.
Портпарол на „Google“ рече дека во секој случај, облачната единица ќе продолжи да се придржува до овие принципи. Покрај тоа, партнерството со „Aramco“ не вклучува никакви услуги за поддршка на производството на нафта. Компанијата не ги открива финансиските услови на договорот.
Вчера компанијата исто така објави дека отвора центри за облачни услуги во Чиле и Германија.
