Пред скоро 11 години, „Pagani“ ја претстави „Zonda Tricolore“, во чест на демонстративниот тим на италијанското воено воздухопловство „Frecce Tricolori“. Сега, во чест на 60-годишнината од аеро-акробатите, компанијата го претставува ултра-ексклузивниот „Huayra Tricolore“.
Автомобилот се напојува од познатиот твин-турбо 6-литарски V12, развиен особено од „Mercedes-AMG“ за „Pagani“. Во оваа верзија, единицата постигнува импресивни 840 коњски сили и 1100 Nm. Иако само 2 „коњи“ повеќе од „Pagani Imola“ претставен во февруари, „Huayra Tricolore“ стана најмоќниот модел на марката во моментот.
Моќноста се пренесува на задните тркала преку секвенцијален менувач со 7 брзини, а засега нема спецификации за забрзување и максималната брзина. Тежината на спортскиот автомобил е 1.270 килограми, што е близу до таа на „Volkswagen Golf“ со трицилиндричен мотор.
Стилот многу потсетува на оној на „Zonda Tricolore“, бидејќи двата автомобили се инспирирани од „Aermacchi MB-339“, со кој „Frecce Tricolori“ ги изведува своите воздушни акробации. Италијанското национално знаме е главниот мотив на каросеријата и во кабината, а новиот модел има модифициран преден браник со поагресивен сплитер и поголеми отвори за воздух.
Промените продолжуваат со потполно нов влез на воздух зад седиштата, обезбедувајќи подобар и поголем проток на ладен воздух до моторниот простор. Во задниот дел на автомобилот можете да се види нов дифузер и исклучиво за крилото „Huayra Tricolore“ изработен од јаглеродни влакна.
Посебно внимание се посветува на пилотската кабина, каде што покрај италијанското знаме, кое е извезено на седиштата и е акцент на некои други места, има некои карактеристични елементи, направени од алуминиум и јаглерод. Топчето на рачката на менувачот е изработено со комбинација на метал и композитен материјал. „Нuayra Tricolore“ има и специјални тркала изработени од воздухопловен алуминиум, со уникатни сини акценти во контраст со металик-бојата.
„Pagani“ има намера да произведе само три единици од специјалниот модел, секоја по цена од 5,5 милиони евра, без ДДВ.
