Компанијата „Porsche“ прослави голем јубилеј откако го произведе милионитиот примерок на моделот „Cayenne“.
Кога ќе се спомене „Porsche“ најмногу се зборува за моделот „911“, но во последно време германскиот гигант се поголемо внимание посветува на „SUV“ моделите, затоа што со помош на „Volkswagen“ направија „хаос“ на пазарот.
„Porsche“ го анализираше пазарот за идеата за „SUV“ модели, a по дополнителните интерни анализи и позитивни одговори собрани од истражувањето, „Cayenne“ доби „зелено светло“ за производство.
Продажбата на првата генерација на „Cayenne“ започна во сега далечната 2002-ра година, а за кратко време стана најпродаваниот модел на „Porsche“.
„Cayenne“ во изминативе 18 години имаше голем успех, а „Coupe“ верзијата се појави во 2019-та година и веќе претставува една четвртина од сите нарачки на „Cayenne“. Од „Porsche“ тврдат дека е поразличен во возењето во однос на „конценционалниот“ модел.
Беше виден и концептот „Cayenne Cabriolet“ кој не пронајде пат до сериското производство. Милионитиот примерок на моделот е „Cayenne GTS“ во „Carmine“ црвена боја, а ќе заврши во рацете на германски купувач.
