Илон Маск загуби 9 милијарди долари од своето богатство за 24 часа, откако „JPMorgan“ ги предупреди инвеститорите дека акциите на „Tesla“ се сериозно преценети.
Банкарските аналитичари ги предупредија инвеститорите да не ги додаваат акциите на компанијата во нивните портфолија пред „Tesla“ да влезе во „S&P500“ за прв пат во својата историја.
Акциите на „Tesla“ не само што се тргуваат на многу високо ниво, тие се „драстично преценети“, напиша Рајан Бринкман во својот извештај, во кој ги посочи неговите негативни очекувања за иднината на компанијата.
На крајот на вчерашната трговска сесија, акциите на „Tesla“ објавија пад од скоро 7%, што го намали богатството на Маск на 135,8 милијарди долари.
Предупредувањето на Бринкман доаѓа само еден ден откако стана јасно дека „Tesla“ ќе се обиде да собере уште 5 милијарди долари свеж ресурс од инвеститорите.
Маск неодамна го освои второто место меѓу најбогатите луѓе во светот, но вчера Бернард Арно го поврати. Најбогатиот Европеец и претседател на Управниот одбор на компанијата за луксузна стока „LVMH“ денес поседува 145,6 милијарди долари, според податоците на „Bloomberg“.
Бринкман ја зголеми својата проценка за цената на акциите на „Tesla“ на 90 долари, за разлика од 80 долари пред тоа. Тоа е повеќе од 80% помалку од сегашната цена на акцијата од 604 долари по акција.
Аналитичарот посочува дека од декември 2018-та од друга страна, акциите додадоа над 800%, наспроти очекувањата дека финансиските резултати на компанијата може да се влошат. „Со „Tesla“ се тргува со многу високи финансиски коефициенти, кои се исто така највисоки за секоја компанија, од која било индустрија“.
Вкупно 36% од аналитичарите што ја следат компанијата имаат препорака за „купување“, а 33 проценти имаат ранг на продажба. Останатите 31% препорачуваат да ги чуваат акциите во своите протфолија.
