Стартапот за испорака на храна „DoorDash“ вели дека очекува да собере до 3,14 милијарди долари од нејзината првична јавна понуда(IPO), откако го зголеми својот опсег на цени, и ова сугерира на поголем интерес на инвеститорите, пренесува „Reuters“.
„DoorDash“, најголемата американска компанија за доставување од ресторани, планира да продаде 33 милиони акции по цена од 90 до 95 долари за акција, посочуваат документи до регулаторите. Претходно, таа се фокусираше на опсегот од 75 до 85 долари по акција.
Основана во 2013-та година „DoorDash“ е поддржана од „Vision Fund“ (со кој управува и јапонскиот технолошки гигант „SoftBank Group“), компанија за ризичен капитал „Sequoia Capital“ и „Government of Singapore Investment Corp“, суверениот фонд на Сингапур.
Во горниот дел од диапоазонот, пазарната капитализација на „DoorDash“ ќе биде околу 30 милијарди долари.
Компанијата со седиште во Сан Франциско овој месец планира да ги путши своите акции на берзата во Њујорк под симболот „DASH“. Таа поднесе документи за IPO во септември. „Goldman Sachs“ и „J.P. Morgan“ се водечките поборници за предлогот.
„DoorDash“ и неговите конкуренти, „Uber Eats“, „Grubhub“ и „Postmates“, имаат корист од зголемената побарувачка за домашна храна заради наметнувањето на ограничувањата поради Ковид-19.
