„Salesforce“ ќе го купи „Slack“ за 27,7 милијарди долари, најголемата аквизиција во историјата на компанијата со седиште во Сан Франциско, пишува „CNN Business“.
Според условите од договорот, акционерите на „Slack“ ќе добијат 26,79 долари во готово, како и 0,0776 акции од „Salesforce“ за секоја акција што се во сопственост на „Slack“.
Акциите на „Salesforce“ паднаа за 4% вчера откако компанијата го објави договорот, но и нејзините квартални резултати.
Приходите на компанијата за облачни услуги во последниот квартал достигнаа 5,42 милијарди долари, што е за 20% повеќе од една година порано, додека заработката по акција изнесуваше 1,15 долари по акција.
Финансискиот резултат на компанијата е подобар отколку што очекуваат аналитичарите, но растот на приходите забавува во споредба со првите два квартали од 2020-та година.
„Salesforce“ исто така предвиде приход од 21,10 до 21,11 милијарди долари за фискалната 2021-ва година, што претставува зголемување од 23%. За 2022-ра година тие предвидуваат приходи од 25,45 до 25,55 милијарди долари, од кои 600 милиони долари ќе бидат од „Slack“.
