Американската технолошка компанија „Facebook Inc.“ во понеделникот соопшти дека ќе го купи стартапот „Kustomer“, бидејќи операторот на најголемата социјална платформа во светот продолжува да се фокусира на трговијата преку Интернет, пренесува „Reuters“.
Во моментов финансиските детали за договорот остануваат нејасни.
Според публикацијата на „Wall Street Journal“, зделката со „Kustomer“ ја проценува на 1 милијарда долари.
Стартапот им овозможува на деловните субјекти да комбинираат разговори со клиенти од различни канали на еден екран и да автоматизираат некои од одговорите на клиентите. Компанијата веќе ги нуди своите услуги во „Messenger“ и „Instagram“.
На почетокот на оваа година, „Facebook“ лансираше нова услуга – „Shops“, што им овозможува на компаниите да прикажуваат и продаваат производи преку различните платформи на компанијата со седиште во Менло Парк.
На крајот на октомври, „Facebook“ објави рекордни приходи за третиот квартал, бидејќи високите трошоци за дигитално рекламирање успеаја да го неутрализираат бојкотот за рекламирање, ограничувањата за собирање податоци и континуираниот пад поради пандемијата на коронавирусот.
Приходите на компанијата се зголемија за 22% до 21,47 милијарди долари за три месеци до септември. „Facebook“ предвидува дека неговите приходи ќе растат уште побрзо во четвртиот квартал, бидејќи трошоците за рекламирање растат за време на сезоната на празници.
