Американската компанија за биотехнологија „Moderna“ во понеделникот ја затвори сесијата со раст од 20 проценти на акциите, откако соопшти дека побарала дозвола од американските власти за вакцината против Ковид-19 и презентирала анализа на 196 случаи, според кои нејзината пробна вакцина била ефикасна во 94,1% .
Компанијата има намера да аплицира за одобрување и во Европа.
„Moderna“ објави дека нејзината вакцина е ефикасна за сите возрасти, раси, етникуми и пол, како и 100 процентен успех во спречување на тешки случаи на заболување, при што починаа скоро 1,5 милиони луѓе, пренесува Блумберг.
Состанокот на американскиот регулатор, на кој ќе се разгледува апликацијата за регистрација на вакцината на „Moderna“, е закажана за 17-ти декември. На него ќе присуствуваат американски научници и здравствени експерти и ќе се пренесува во живо.
Американската администрација и одвои 486 милиони долари на компанијата за развој на вакцина против оваа болест.
Фармацевтската компанија „Johnson & Johnson“ доби 456 милиони долари, а на „AstraZeneca“, која развива вакцина со научници од Универзитетот во Оксфорд, 1,2 милијарди долари. „Merck“ и „Pfizer“ исто така работат на вакцина против новиот коронавирус во САД, а вториот исто така поднесе барање за одобрување до американската Администрација за храна и лекови.
Американската администрација инвестирала вкупно 12 милијарди долари во овие проекти, според „Reuters“.
Акциите на „Moderna“ пораснаа за 20%, затворајќи на 152,74 долари на берзата во Њујорк. Тие се искачија повеќе од седум пати од почетокот на годината. Пазарната капитализација на компанијата од над 60 милијарди долари ја надмина онаа на „Regeneron Pharmaceuticals Inc.“, која имаше приход од 7,8 милијарди долари минатата година и произведува коктел со антитела против Ковид-19.
Новите резултати ја ставија биотехнолошката компанија со седиште во Кембриџ, Масачусетс, на вистинскиот пат да започне една од првите вакцини за Ковид-19. Слична вакцина од „Pfizer Inc.“ се очекува да биде прегледана од регулаторите пред вакцината на „Moderna“.
„Работевме нон стоп во изминатите неколку недели за да подготвиме податоци за вакцините што ќе им бидат доставени на регулаторите“, рече Стефан Бансел, извршен директор на „Moderna“, во интервју за „Bloomberg“.
Штом властите дадат зелено светло, компанијата ќе продолжи да дистрибуира дози како дел од огромните напори за вакцинација, бидејќи американските болници ќе бидат под притисок поради зголемувањето на случаите.
„Денес сме подготвени да ја испратиме вакцината. Имаме подготвени милиони дози, имаме повеќе и повеќе на секои неколку дена“, вели Бансел.
САД во август постигнаа договор вреден 1,5 милијарди долари за 100 милиони дози на „Moderna“. Европската унија, Канада и Јапонија исто така имаат големи договори за откуп, а Велика Британија обезбеди 7 милиони дози.
