„Hyundai“ ги објави првата слика и информациите за својот нов компактен кросовер „Bayon“, кој ќе стане најпристапниот „SUV“ на марката на европскиот пазар. Премиерата на моделот ќе се одржи во првата половина на 2021-ва година.
Кросоверот го носи името на градот Бајон (Bayonne) во југозападна Франција. Локацијата на Атлантскиот океан е многу популарна меѓу љубителите на активна рекреација, што, според претставник на „Hyundai“, „целосно одговара на природата на новиот модел“.
Со изборот на име, јужнокорејската марка ја продолжува својата традиција во последните 20 години, според која на своите нови модели им дава имиња на интересни места. На пример, моделите „Tucson“ и „Santa Fe“ се именувани според американските градови во Аризона и Ново Мексико и „Kona“ – во чест на област на еден од Хавајските острови.
Со оглед на малку поголемата „Kona“ која има должина од 4.205 mm, „Hyundai Bayon“ ќе биде малку пократок (околу 4 метри). Исто така се очекува на купувачите да им биде понуден исклучиво со преден погон и без дизел верзии во моторизацијата.
Дополнителни детали за „Hyundai Bayon“ ќе бидат објавени на почетокот на следната година. Се очекува да биде најевтиниот кросовер на корејската марка, и да ја замени „Creta“ од оваа позиција.
Коментари