Нема време за губење – покрај серијата iPhone 13, Apple, наводно, веќе работи и на целосно нов производ, флексибилен телефон.
Велиме „наводно“ затоа што сè е сè уште на ниво на гласини, но толку пати е докажано дека каде што има чад, има и оган.
Како што пренесува кинескиот „Economic Daily News“, повикувајќи се на една од компаниите во синџирот на дистрибуција, „Apple“ веќе ги нарачал првите примероци на кои може да тестира како работат шарките за новиот флексибилен уред.
Се наведува дека компанијата има намера да направи толку издржлив телефон, кој може да издржи повеќе од 100.000 отворања и затворања. Овие уреди би требало да се составуваат во Кина, а еден од најголемите партнери треба да биде Samsung.
Како друг голем партнер (иако срамежливо) се споменува Nipon, со кого Apple веќе работеше на лаптопите. Според кинеските медиуми, презентацијата е планирана за две години, а сè уште не е познато дали телефоните ќе имаат OLED или microLED екрани, како и какви било други спецификации.
Купертино сè уште не ги коментирал овие наводи, па затоа нема официјална потврда. Од друга страна, никој дури и не одговори да го демантира, па затоа е сосема можно дека не се работи само за шпекулација.
