Американската компанија Apple претстави нов лаптоп MacBookAir и неколку други компјутери со нови процесори развиени од самиот Apple.
Се додава дека овој потег дополнително технолошки ќе ги поврзе компјутерите и мобилните телефони на Apple – iPhone, пренесува Ројтерс.
Тоа, според британската агенција, ќе придонесе за подобри резултати од продажбата на компјутерите на технолошкиот гигант од САД.
Продажбата на компјутерите на „Apple“ носи десетици милијарди долари годишно, но сепак е во сенка на резултатите што американската компанија ги постигнува со продажба на популарните “iPhone- и“.
Apple очекува дека нивните експерти сега ќе развијат цела низа апликации кои ќе можат да работат и на компјутерите и на телефоните.
Во меѓувреме, „Apple“ забележа голем скок во продажбата на компјутери благодарение на пандемијата на коронавирусот, забележувајќи рекордни 9 милијарди долари профит од продажбата на тие уреди во последниот квартал.
Сите компјутери на Apple до денес се потпираа на платформите на Intel.
Шефот на „Apple“, Тим Кук, изјави дека компанијата ќе продолжи да ги поддржува тие уреди „во наредните години“, без да прецизира до кога точно ќе биде тоа.
Коментари