Според инфомрациите, „Samsung Galaxy S21 Ultra“ нема да има значајни разлики во однос на актуелниот модел. Новиот „Ultra“ ќе има малку помал екран од 6.8 инчи, и ќе биде единствен со заоблен екран („S21“ и „S21+“ ќе имаат рамни екрани). Дисплејот би можел да има зголемена стапка освежување на 144Hz, но тоа не е сосема сигурно.
„Galaxy S21 Ultra“, според информациите, ќе користи главна камера од 108MP и селфи камера од 40MP. Oва се истите резулуции како кај „S20 Ultra“, но би можеле да постојат некои други надоградби. Нема детали за другите сензори, а рендерите покажуваат дека „Ultra“ има четири камери на задната страна, од кои едната има перископ-објектив.
„Samsung“ ќе ги користи сопствените и чиповите на „Qualcomm“ во зависност од пазарите, па телефонот ќе ги има „Snapdragon 875“ или „Exynos 2100“. Решението на „Samsung“ користи стандардни „ARM“ јадра.
„Galaxy S21 Ultra“ ќе се напојува со батерија од 5.000mAh, a не се очекуваат надоградби на опциите за полнење. За софтверот ќе биде задолжен „One UI 3.0“, заснован на „Android 11“.
Со оглед на тоа дека претставувањето на „Samsung Galaxy S21“ линијата се очекува во текот на јануари, новите телефони во продажба би можеле да се видат веќе во февруари, наместо во март.
