Едно од полињата во кои производителите на паметни телефони се натпреваруваат последниве години е моќноста на полначот, односно брзината со која е во состојба да ја полни батеријата. „Xiaomi“ во моментов нуди безжичен полнач 55W на пазарот, но се чини дека тоа не е доволно за нив.
Затоа кинеската компанија само што објави дека успеала да развие брз безжичен полнач од 80W, кој е во состојба да ја полни батеријата на телефонот до 100 проценти за само 19 минути.
„Xiaomi“ тврди дека новиот полнач соборува светски рекорди, како и дека е двојно побрз од актуелниот што се нуди, конкурентскиот безжичен држач „Huawei SuperCharge“, 40W, пишува „GSM Arena“.
Поефикасната архитектура на уредот, посебен чип и независен механизам за ликвидација се одговорни за фактот дека новиот полнач ги постигнува споменатите брзини на полнење од 80W. По тестот од 800 полнења на батеријата до 100 проценти, полначот е во состојба да обезбеди 90 проценти од оригиналниот капацитет.