Корејската компанија „SsangYong Motors“ потврди дека на 4-ти ноември ќе ја претстави новата генерација на својот предводник – „SUV“ моделот „Rexton“. Тој ќе го носи името „All New Rexton“ и покрај сомнежите на многумина дека не станува збор за нова генерација на моделот, туку за сериозна модернизација на сегашната.
Производителот објави две скици на автомобилот, со кои го навестуваат неговиот дизајн. „SsangYong“ додаде дека новиот „Rexton“ комбинира шарм на вистински теренец и урбана софистицираност, потпирајќи се на смелиот и импресивен изглед.
На сликите се гледа огромна решетка на ладилникот и целосни „LED“ светла. Задниот дел на кросоверот е суштински изменет за да се прикажат „LED“ светла и големи букви со името на моделот. Тој ќе добие медиумски систем со вештачка интелигенција, а комплексот на помошници на возачот вклучува адаптивна контрола на крстарење.
Недостасуваат техничките детали за новиот „SsangYong Rexton“, но се очекува автомобилот да биде опремен со нов 2,2-литарски дизел мотор со 4 цилиндри што ги исполнува стандардите за емисија на штетни гасови „Euro-6“ и е поврзан со 8-степен автоматски менувач.
Во моментов, брендот „SsangYong Motor“ припаѓа на индиската корпорација „Mahindra & Mahindra“, која се обидува да се ослободи од неа, бидејќи носи огромни загуби. Сепак, очигледно нема кандидати за купување на брендот.
