Американската банка „Morgan Stanley“ објави добивка од 26% за третиот квартал, објави „Reuters“.
Нето приходот се искачил на 2,60 милијарди долари во кварталот што заврши на 30-ти септември од 2,06 милијарди долари пред една година. Заработката по акција се искачила на 1,66 долари од 1,27 долари пред една година.
Приходите на банката скокнале за 22% во третиот квартал, обезбедувајќи ја втората најголема добивка досега. Трговскиот сегмент доведе до раст по скок од 35 проценти на фиксниот приход, што беше втор најдобар меѓу големите банки.
Силни резултати беа пријавени и од „JPMorgan Chase & Co.“, „Goldman Sachs Group Inc.“ и „Citigroup Inc.“, кои исто така имаа корист од континуираната нестабилност на пазарот.
Третиот квартал повторно покажа силен контраст помеѓу тоа како најголемите банки во САД бележат голем профит во работењето на пазарите на капитал, дури и кога општата економија не успеа да се опорави.
Компаниите како „Morgan Stanley“, кои се слабо изложени со потрошувачки кредити, се претставија најдобро. Акциите на „Morgan Stanley“ паднаа за помалку од 1% од почетокот на годината, што е најдобар учинок меѓу шесте најголеми банки.
Бизнисот со пазарите на капитал беше „исклучително силен“, рече главниот финансиски директор Џонатан Прузан во едно интервју. Профитот беше стимулиран од тргувањето со акции, а банката ја врати лидерската позиција во овој бизнис во текот на тримесечниот период.
Банката исто така презеде две од најголемите преземања во индустријата од финансиската криза: аквизиција на „E * Trade Financial Corp.“ договор од 13 милијарди и 7,8 милијарди долари за купување на компанијата „Eaton Vance“.
Приближно 700 милиони долари приходи на „E * Trade“ за кварталот не беа вклучени во резултатите на „Morgan Stanley“ бидејќи трансакцијата беше завршена на почетокот на четвртиот квартал. Аквизицијата на „Eaton Vance“ се очекува да заврши во средината на следната година.
