Полскиот антимонополски регулатор „UOKiK“ изрече казна од 7,6 милијарди долари за „Газпром“ поради гасоводот „Северен поток 2“. „UOKiK“, исто така, воведе казна од 100 милиони долари на другите пет компании кои го финансираат проектот.
Рекордната казна е дополнителен притисок врз Москва околу скоро завршениот проект, кој ќе снабдува со гас од Русија преку Балтичко Море до Германија. Полска и САД веќе долго време се спротивставуваат на спроведувањето на „Северен поток 2“. Причината е дека гасоводот ќе ја продлабочи зависноста на Европа од енергетските залихи на Русија, загрозувајќи ја стабилноста на Украина, која служи како голем транзитен коридор за гориво.
Полскиот регулатор рече дека гасоводот ја попречува конкуренцијата и „ги искривува интересите на потрошувачите“. Тој им даде рок на „Газпром“ и неговите партнери во рок од 30 дена да ги раскинат договорите за финансирање за „враќање“ на конкуренцијата, со парична казна од 10% од приходите на главната руска компанија за извоз на гас, што е максимално дозволена санкција.
Како одговор на санкциите, „Газпром“ рече дека ќе поднесе жалба.
„Ова е сериозен и лош потег за проектот – тоа значи дека може да не се спроведе“, рече Џонатан Ламб, виш аналитичар во „Wood & Company“, чешка инвестициска банка.
Иако „Газпром“ е сопственик на проектот за гасоводот на Балтичко Море, половина од трошоците во висина од 9,5 милијарди евра (11,2 милијарди долари) доаѓаат од главните партнери на проектот „Engie“, „Royal Dutch Shell“, германската „Uniper“, „Wintershall“ и австриската „OMV“.
„Газпром“ соопшти дека работи на комплетирање на „Северен поток 2“, иако сè уште не е јасно кога се очекува да заврши изградбата.
