Apple испрати официјални покани за настанот, кој ќе се одржи на 13 октомври. Официјално ќе го претстави iPhone 12, како и многу други производи.
Извештаите посочуваат дека ќе бидат претставени две верзии на iPhone 12 Pro и две верзии на стандардниот iPhone 12, што ќе биде најголем број нови модели што компанијата ги претставила во еден потег.
Четири нови модели на iPhone
Најмалиот модел на телефонот треба да има 5,4-инчен екран, кој ќе биде по големина позициониран помеѓу оригиналниот iPhone Se и моделот Se претставен оваа година. Најголемиот телефон, iPhone 12 Pro ќе има 6,7-инчен дисплеј и ќе биде најголемиот iPhone телефон досега.
Сепак, најголемите новитети ќе бидат скриени од очите на јавноста, бидејќи тие ќе бидат внатре во моделите. Серијата iPhone 12 ќе го користи најновиот чип A14 Bionic, што треба да донесе унапредување во ефикасноста на работата. Неофицијално е објавено дека сите нови модели ќе поддржуваат 5G, при што (веројатно) само еден модел ќе поддржува побрза, но поретка mmWave 5G технологија.
За повеќе детали, сепак ќе треба да почекаме за следната недела и официјалната презентација на конференцијата.
Коментари