Изгледа дека „Samsung“ нема премиерно да имплементира камера под екранот во „Galaxy S21“ (или S30) серијата, поради ниските производни залихи на оваа технологија. Информациите пристигнуваат од јужнокорејскиот сајт „TheElec“.
„Samsung“, според информациите, имал план да имплементира камера под дисплејот и во „Galaxy Z Fold2“, пред таа да биде уфрлена и во „Galaxy S“ серијата за следната година, што сега исто така е отфрлено. „Samsung“ работи на подобро решение за камера под екранот, што нема да влијае на квалитетот на сликата како што тоа го прави актуелната технологија.
Извештаите сугерираат дека „Samsung“ ќе биде подготвен камерата под дисплејот да ја претстави во втората половина на 2021-ва година и дека ќе дебитира на моделот „Galaxy Z Fold3“.
Следната година е период за кога „Xiaomi“ и другите производители (како што е „Oppo“) најавија масовно производство на смартфони со селфи камера сместена под екранот.
Коментари