„Mitsubishi Motors“ ќе побара 500-600 вработени, главно од раководството, доброволно да се пензионираат. Идејата е ова да се случи во Јапонија од средината на ноември, а овој потег е насочен кон намалување на трошоците на компанијата, велат двајца извори на „Reuters“ запознаени со ова прашање.
Автомобилската компанија се очекува да објави нето загуба од 360 милијарди јени за фискалната година до март 2021-ва година, бидејќи е под влијание на намалена продажба заради пандемијата на коронавирусот.
„Mitsubishi“ веќе спроведува план за намалување на 20% од фиксните трошоци за две години со не намалување на работната сила, намалување на производството и други чекори.
Компанијата планира да побара доброволно пензионирање од менаџерите постари од 45 години, од кои повеќето работат во седиштето во Јапонија, како и други единици, како што се фабриките „Okazaki“ и „Mizuhima“, велат изворите.
Портпарол на компанијата одби да даде коментар поврзан со овие информации.
Кризата предизвикана од Ковид-19 ги влоши условите во компанијата, која претходно се соочуваше со намалена продажба на своите најголеми пазари, Кина и Југоисточна Азија. Тие донесуваат околу една четвртина од нејзините приходи од продажба.
Како дел од планот за преструктуирање, „Mitsubishi“ соопшти дека ќе престане да го произведува моделот „Pajero“ од следната година и ќе ја затвори фабриката за автомобили во Јапонија.
