Францускиот производител ја претстави продукциската верзија на концептот „508 Peugeot Sport Engineered“ од 2019-та година.
Станува збор за најмоќниот „plug-in“ хибрид на „Peugeot“, а на купувачите ќе им бидат понудени две каросериски верзии – седан и караван.
„Peugeot 508 PSE“ за погон користи 4-цилиндарски 1.6-литарски турбо-бензинец на кој му помагаат два електромотори.
Бензинскиот мотор произведува 200 KS (147 kW) и 300 Nm, предниот електромотор располага со 110 KS (81,2 kW), a задниот со 113 KS (83 kW).
Вкупната кобинирана моќ на хибридниот систем изнесува 360 KS (265 kW), a максималниот вртежен момент е 500 Nm.
Автомобилот за пренесување на моќта користи 8-брзински автоматски менувач, а и седанот и караванот забрзуваат до „стотка“ зa 5,2 секунди.
Максималната брзина електронски е ограничена на 250 km/h, oдносно на 135 km/h, aко „508 PSE“ се вози само на електричен погон.
Електричната енергија се чува во батерија со капацитет од 11,5 kWh, a во чисто електричен режим на возење автомобилот може да помине до 42 km.
„Peugeot 508 PSE“ во продажните салони ќе пристигне во првата половина од 2021-ва година, а цените дополнително ќе бидат соопштени.
