Еден од најголемите хипермаркети во Индонезија избра 20 македонски производи кои треба да поминат одредени тестирања пред да стигнат до потрошувачите.
Ова го изјави извршниот директор на Македонскиот совет за надворешна трговија во регионот Азија-Пацифик, Владимир Кофчегарски.
Според Кофчегарски, за македонските производи со Халал сертификат Индонезија е голем пазар, и е убеден дека на почетокот на следната година македонските производи ќе влезат на пазарот.
Во Индонезија беа презентирани и инвестициските потенцијали на Македонија.
“Имавме средба со некои потенцијални инвеститори, каде што ја претставивме Македонија како одлична дестинација, односно како влезна врата на индонезиските компании во Европа. Веќе добивме најави за посетата на есен оваа година”, рече Кофчегарски.
Инаку, со Индонезија, Македонскиот совет за надворешна трговија во регионот Азија-Пацифик, го заврши дво-месечното роуд шоу во Филипини, Тајланд, Виетнам, Малезија и Индонезија.