WOOD & Company, една од водечките инвестициски банки во Европа со седиште во Прага, Чешка, денеска објави детална анализа за една од нашите најдобри компании во земјава – Алкалоид АД Скопје.
Одлична вест е што експертите дадоа високо мислење и понатамошен раст на акциите на компанијата.
“Иницираме на Алкалоид АД Скопје со таргет цена од 13.567 денари и препорака да се чуваат акциите”.
“Алкалоид е традиционален, средно-голем производител во Југоисточна Европа на брендирани генерички лекови на рецепт, лекови преку шалтер и производи за широка потрошувачка, движеји се во чекор со времето за да го задржи релевантно своето портфолио, но и постојано се шири во нови индикации и селектирани нови пазари. Широката палета на производи му овозможува на бизнисот да генерира солиден принос и солиден поврат на вложениот капитал и поддржува “investor-friendly” политика за наградување на акционерите. Оваа година, менаџментот завршува голема инвестиција за проширување на капацитетот на лекови за уште 50%, што очекуваме да ги зголеми приходите за 9,5% и раст на нето добивката од 13,5% до 2023 година. Ова е веќе признаено од локалните инвеститори – кои сочинуваат 97% од акционерската основа – така што, од сегашните нивоа, има нагорна линија, и според наше гледиште, акцијата треба да се чува”, велат аналитичарите.
“Предвидуваме Алкалоид да одржи релативно силен раст на приходите и заработувачката во следните три или четири години како резултат на инвестициите во нови капацитети за производство на лекови и повеќе нови договори за лиценцирање. За 2020 година, предвидуваме раст на приходите од 10% и нето добивка од 18%, со што експанзијата на маргината EBITDA ќе се зголеми на 17,2% наспроти 16,7% во 2019 година. За 2021-22 година, предвидуваме високи нето добивки од 9,8% и 12,1% соодветно, повторно со одредено проширување на маржата, бидејќи бизнисот почнува да ги користи придобивките од големината”, се наведува во извештајот.
Според аналитичарите, Билансот на состојба на Алкалоид е силен и компанијата генерира многу готовина.
Моментално цената на акцијата на Алкалоид се тргува по цена од 12.695 денари.
Целосниот извештај на WOOD & Company можете да го погледнете тука.
