Гигантот за производство на алкохолни пијалоци „Pernod Ricard“ забележа пад од 77% на нето добивката во фискалната 2019-2020 или 329 милиони евра поради девалвација на брендот „Absolut“ вотка поради здравствената криза со ковид-19.
Сепак, оперативниот профит падна помалку од предвидуваниот, додека приходите од продажба за годинава паднаа за 8% и се приближуваат на просечната прогноза на аналитичарите анкетирани од „FactSet“ и „Вloomberg“ за 8,45 милијарди евра.
„Нето добивката на компанијата достигна 329 милиони евра, што е пад од 77% во споредба со фискалната 2018-2019 година поради амортизација на активата од 1 милијарда евра заради ковид-19, претежно брендот „Absolut“ (912 милиони евра) во бруто вредност и 702 милиони евра во нето вредност)“, се вели во соопштението на компанијата.
Колапс на вотката „Absolut“
И покрај приходите од продажба од над 10 милиони евра, прометот на познатата марка вотка падна за 11% во текот на фискалната година.
Главната жртва на пандемијата ковид-19 е продажбата во Азија, особено Кина и Индија, најважните пазари за компанијата по Соединетите држави, кои страдаа од мерките за карантин, како и малопродажбата на пијалоци во објектите за патувања, на прво место се аеродромите кои беа напуштени за време на кризата.
Операциите на француската групација во Азија и остатокот од светот надвор од Северна и Јужна Америка и Европа, исто така, паднаа за 14%, главно како резултат на Кина, Индија и продажбата на патни места со голема основа за споредба, соопшти компанијата.
Од друга страна, стабилните перформанси во САД и домашната продажба на алкохол делумно го надоместија долгорочното затворање на кафулињата, хотелите и рестораните, што беше најчувствително во април, на самиот почеток на четвртиот фискален квартал.
Компанијата нагласува дека нејзината сегашна оперативна добивка е подобра од очекуваната, намалувајќи се за 13,7% по исклучувањето на некои ефекти. Во март, прогнозираше пад на профитот од 20% поради блокадите во голем број земји во светот за да се запре ширењето на ковид-19, по што ја ревидираше својата прогноза во јули и предвиде пад од околу 15%.
Меѓу факторите на одржливост, според извршниот директор на „Pernod Ricard“, Александар Рикар, е стабилноста на синџирот на снабдување – „од дестилерии до места за флаширање и сите единици до продавници“. Според него, ова го објаснува делумниот раст на пазарот во Индија, Јапонија, Германија, Франција и во објектите за патувања.