„Xiaomi“ ја навести својата трета генерација на технологијата за камера под екранот, што ќе им даде на телефоните вистински „full-screen“ екран.
„Xiaomi“ за прв пат објави тизер за технологија за камера под екран во јуни минатата година. Оттогаш, компанијата работи на подобрување на технологијата и „Xiaomi“ сега истакнува дека е подготвена да започне со масовно производство на телефонот со камера под екранот во 2021-ва година.
За третата генерација на технологијата, „Xiaomi“ вели дека има значително подобрен ефект на цел екран преку прилагоден распоред на пикселите и оптимизација на алгоритмот на камерата, за да се добијат истите перформанси како и стандардните предни камери на телефоните.
„Xiaomi“ истакнува дека со новата технологија успеала да осигура дека светлината поминува низ отворите во под-пиксели. Компанијата исто така споменува дека, во споредба со другите решенија на пазарот, новото решение има двојно повеќе од хоризонталните и вертикалните пиксели, со што се постигнува иста густина на пиксели на дисплејот над областа каде е камерата, како и во делот подолу.
„Xiaomi“ исто така разви специјален дизајн на струјни кола што му овозможува да крие повеќе компоненти под „RGB“ под-пикселот, со што ќе се зголеми преносот на светлината до камерата под екранот. Овие подобрувања резултираа во тоа што камерата под екранот има ист квалитет на слика како и стандардната предна камера.
Првите телефони на „Xiaomi“, кои ќе ја имплементираат новата технологија на камери под екранот, се очекуваат во текот на 2021-ва година.