Компанијата „Lord & Taylor“ соопшти дека ќе ги затвори преостанатите 38 трговски центри и така ќе остане без продавници по речиси два века постоење.
Уште една жртва од последиците од пандемијата на ковид-19, ланецот на трговски центри „Lord & Taylor“ на почетокот на август поднесе барање за банкрот и започна со потрага за можни купувачи на нејзините брендови „Lord & Taylor“ и „Le Tote“.
„Иако се уште имаме различни можности, веруваме дека е разумно да ги ставиме останатите продавници во ликвидација, за да се максимилизира вредноста на инвентарот во недвижнини“, рече Ед Кремер, директор за реструктуирање на компанијата.
Инаку, „Lord & Taylor“ првата стоковна куќа ја отвори во Њујорк во 1826-та година и тоа беше првата ваква продавница во Америка.
Со популаризацијата на овој вид понуда за малопродажба, „Lord & Taylor“ многу бргу порасна во респектибилен ланец на стоковни куќи и трговски центри, кои долго време беа синоним на високата мода и гламурот.
