Интернетот на нештата (IoT) е технологија која ни помага да го реорганизираме секојдневниот живот, но вештачката интелигенција (AI) е вистинската движечка сила зад целиот потенцијал на IoT.
Од најосновни апликации, како што се следење на нашето фитнес ниво, до широкиот потенцијал низ индустријата и урбанистичкото планирање, растечкото партнерство помеѓу AI и IoT значи дека би можела да се појави попаметна иднина порано отколку што мислeвме.
Инфографикот подоле ги истакнува технологиите кои се пробиваат и трендовите што ја прават таа можна промена и како ние продолжуваме да ги поместуваме границите.
AI + IoT = Супер моќ на иновации
IoT уредите користат Интернет за да комуницираат, собираат и разменуваат информации за нашите онлајн активности. Секој ден, тие генерираат 1 милијарда GB податоци.
До 2025 година, се очекува да има 42 милијарди уреди поврзани со IoT на глобално ниво. Тоа е местото каде AI влегува, користејки ги своите способности за учење со поврзаноста на IoT.
IoT е воден од три клучни нови технологии:
- Вештачка интелигенција (AI)
Програмабилни функции и системи кои им овозможуваат на уредите да учат, разговараат и обработуваат информации како луѓето.
- 5G мрежа
Петта генерација на мобилни мрежи со голема брзина, скоро нула заостанување за обработка на податоци во реално време.
- Голема количина на податоци
Огромни количини на податоци обработени од бројни извори поврзани со Интернет.
Заедно, овие меѓусебно поврзани уреди го трансформираат начинот на кој комуницираме со нашите уреди дома и на работа, создавајќи го AIoT („Вештачка интелигенција на нештата“) во процесот.
Главните сегменти на AIoT
Па, каде водат AI и IoT заедно?
Постојат четири главни сегменти во кои AIoT прави влијание: преносливи уреди, паметен дом, паметен град и паметна индустрија:
1. Преносливи производи
Преносливи уреди, како што се паметни часовници, постојано ги следат преференциите и навиките на корисниците. Не само што ова доведе до влијателни апликации во здравствено-технолошкиот сектор, тоа исто така работи добро за спорт и фитнес. Според водечката фирма за технолошки истражувања Gartner, се проценува дека глобалниот пазар на преносливи уреди може да достигне приходи повеќе од 87 милијарди долари до 2023 година.
2. Паметен дом
Куќите што одговараат на секое твое барање веќе не се ограничени на научна фантастика. Паметните домови можат да користат осветлување, електронски уреди, да ги учат навиките на сопственикот на домот и да развиваат автоматска „поддршка“.
Овој беспрекорен пристап, исто така, создава дополнителни шанси за подобрена енергетска ефикасност. Како резултат на тоа, паметниот домашен пазар може да забележи годишна стапка на раст (CAGR) од 25% помеѓу 2020-2025 година, и да достигне 246 милијарди американски долари.
3. Паметен град
Како што се повеќе луѓе се собираат од руралните во урбаните области, градовите се развиваат во побезбедни, попогодни места за живеење. Иновациите во паметни градови се во чекор, при што инвестициите одат кон подобрување на јавната безбедност, транспортот и енергетската ефикасност.
Практичните апликации на AI при контрола на сообраќајот веќе стануваат јасни. Во Њу Делхи, дом на некои од најпознатите сообраќајни патишта во светот, се користи интелигентен систем за управување со транспортот (ITMS) за да се донесе „динамична одлука во реално време за сообраќајните текови“.
4. Паметна индустрија
Последно, но не и најмалку важно, индустриите од производство до рударство се потпираат на дигиталната трансформација за да станат поефикасни и да ја намалат човековата грешка.
Од аналитика на податоци во реално време до сензори во синџирот на снабдување, паметните уреди помагаат да се спречат скапите грешки во индустријата. Всушност, Gartner проценува дека над 80% од претпријатијата со IoT проекти ќе инкорпорираат AI до 2022 година.
Неискористениот потенцијал на AI и IoT
Иновативноста на AIoT само се забрзува и ветува дека ќе не води во поповрзана иднина.
Фјузијата AIoT се повеќе станува главен тек, бидејќи ќе продолжи да ги поместува границите на обработката на податоците и интелигентното учење во годините што доаѓаат.
