Технолошките титани во моментов доминираат на берзите.
„Apple“ веќе е вреден над 2 трилиони долари. Петте најголеми технолошки компании – „Apple“, „Amazon“, „Microsoft“, сопственикот на „Google“ – „Alphabet“, како и „Facebook“, веќе чинат вкупно над 7 трилиони долари.
Ако на овој список се додадат „Tesla“ и „Netflix“, тогаш вкупната пазарна капитализација на „Величествената седумка“ од „Nasdaq“ достигнува 7,7 трилиони долари, пишува „CNN Money“.
За да може да се замисли обемот, мора да се погледне во државниот индекс „Russell 2000“.
Компаниите во овој индекс, кои вклучуваат скоро 2.000 од помалите американски јавни компании, имаат вкупна пазарна капитализација од околу 1,9 трилиони долари, според „Refintiv“.
„Apple“ и „Тesla“, кои објавија дека планираат да ги поделат своите акции за да ги намалат нивните цени, тргуваат со рекордни достигнувања. Другите пет технолошки гиганти не се далеку од кршење на рекордите.
Сите седум компании кои го водат „Nasdaq“ напредуваат во оваа година, и покрај глобалниот економски пад поради ковид-19.
„Apple“ создава побарувачка за услуги и апликации поврзани со „iPhone“.
„Amazon“, „Microsoft“ и „Alphabet доминираат во облак технологијата и голем број други индустрии, како што се игри, е-трговијата и пребарувањето преку Интернет.
„Facebook“ продолжува да биде лидер во областа на социјалните мрежи, и покрај стравувањата од злоупотреба на податоците за корисниците на платформата. „Тesla“ е крал на индустријата за електрични автомобили, а „Netflix“ продолжува да биде светски лидер во стриминг услугата.
