Ќe бидете изненадени, но богатството на семејството Волтон, кое го наследи најголемиот светски ланец за малопродажба, се зголеми по 3 милиони долари на час во минатата година.
Да, сумата е импресивна, но да не заборавиме дека наследниците на Сем Волтон, кој ја купил својата прва продавница во 1945-та година, веќе имаат 11.000 продавници низ целиот свет.
Пандемијата на коронавирус ја одложи годишната прослава на компанијата, но додаде дури 25 милијарди долари на богатството на Волтон. Семејството сега има повеќе од 100 милијарди долари повеќе од следното најбогато семејство во светот.
Вкупното богатство на 25-те најбогати семејства во светот се проценува на 1,4 трилиони долари, според „Bloomberg“.
Најбогатиот човек во светот, Џеф Безос, чие богатство се проценува на 187 милијарди долари, би бил на второто место на ранг-листата, но според методологијата, досегашниот ранг ги исклучува богатите од прва генерација, како и оние кои се единствените наследници на соодветната состојба.
Многу од најбогатите семејства во светот се веќе побогати отколку пред една година. Мукеш Амбани во последните неколку месеци успеа да привлече повеќе од 20 милијарди долари инвестиции, со што ги зголеми акциите на неговата компанија и го зголеми своето богатство за 61% од пред 12 месеци.
Семејството од Швајцарија Ори-Хофман пријави зголемување од 24% на нивното богатство, благодарение на порастот на акциите на нивната фармацевтска компанија „Roche“, главно заради продажбата на тестовите за Ковид-19.
Другите семејства изгубиле многу пари, како што е семејството Кох, 15 милијарди. Сепак, кризите создадоа сериозни можности и семејството успеа да инвестира 200 милиони долари во недвижен имот, што го изнајмува.
Најголем пад е забележан кај семејството Ван Дам, Де Споелберх, Де Мевиус, кои се сопственици на производителот на пиво „Anheuser-Busch InBev“, кое изгуби 16 милијарди долари како резултат на пониската потрошувачка на пивото во последните месеци.
Еве ги 10-те најбогати семејства во светот:
10. Албрехт (Германија) – 41 милијарда долари
Компанија: „Aldi“
9. Бохрингер, фон Баумбах (Германија) – 45,7 милијарди долари
Компанија: „Boehringer Ingelheim“
8. Џонсон (САД) – 46,3 милијарди долари
Компанија: „Fidelity Investments“
7. Вертхајмер (Франција) – 54,4 милијарди долари
Компанија: „Chanel“
6. Хермес (Франција) – 63,9 милијарди долари
Компанија: „Hermes“
5. Амбани (Индија) – 81,3 милијарди долари
Компанија: „Reliance Industries“
4. Ал Сауд (Саудиска Арабија) – 95 милијарди долари
Компанија: N / A
3. Кох (САД) – 109,7 милијарди долари
Компанија: „Koch Industries“
2. Марс (САД) – 120 милијарди долари
Компанија: „Mars“
1. Волтон (САД) – 215 милијарди долари
Компанија: „Walmart“.
