Клучниот партнер на „Apple“, „Foxconn“, започна итно да регрутира работници за да го обезбеди хардверот за новиот „iPhone 12“, според „MacRumors“.
Четирите нови модели на овој паметен телефон се очекува да пристигнат „неколку недели“ кон крајот на оваа година – кон крајот на октомври, наместо вообичаеното, во септември. Причината е чипот 5G, чие производство беше одложено поради Ковид-19.
Но, очигледно постои опасност од одложување од останатите компоненти. Затоа „Foxconn“ најави бонус до 1.300 американски долари за секој вработен што ќе донесе квалификуван работник.
Се очекуваат четири нови модели на „iPhone“ – 5,4 и 6,1-инчен „iPhone 12“ и „iPhone 12 Max“, и 6,1- и 6,7-инчен „iPhone 12 Pro“ и „iPhone 12 Pro Max“. Топ-модел ќе биде „iPhone“ со најголем дисплеј досега – скоро со големина на мал таблет.
Се очекуваат уште 5 нови производи – веројатно нов „Apple Watch“, нови безжични слушалки и друго.
