Американскиот интернет гигант „Google“ купи 6,6% удел во компанијата за домашна безбедност „ADT“ во договор вреден 450 милиони долари. Договорот ќе му овозможи на „Google“ да понуди услуги на клиентите на своите уреди „Nest“, пренесува „Reuters“.
Цената на акциите на „ADT“ скоро двојно се зголеми на 17 долари пред почетокот на денот на тргувањето во САД и тие се фокусираа на отворање на сесијата по цена над онаа на нивното ИПО (14 долари) за прв пат откако компанијата излезе во јавноста во 2018-та година.
Компаниите ќе работат на комбинирање на производите на „Google“ и „Nest“ со мрежата за инсталација, сервисирање и професионален мониторинг на „ADT, се вели во соопштението.
Според извршниот директор на „ADT“, Џим Деврис, оваа година компанијата ќе започне со поврзување на популарните уреди како „Google Home Mini“, „Nest Termostat“ и „Nest Wifi“ со својот контролен центар, а од следната година ќе ги поврзе другите уреди на „Google“.
Интернет гигантот ќе се стекне со 54,7 милиони акции на „ADT“ од класа Б по цена од 8,22 долари за акција, без право на глас, објави компанијата со седиште во Флорида.
„ADT“ е поддржана од приватната капитална фирма „Apollo Global Management“, која е сопственик на 83,5% од компанијата, пренесува „Refinitiv“.
„Google“ и „ADT“ ќе обезбедат по 150 милиони американски долари за заеднички маркетинг, развој на производи, технологија и обука на вработените, велат од „ADT“.
