Google денес ги објави плановите за инсталирање на подморски кабел именуван по контраадмиралот на САД, Грејс Хопер.
Кабелот ќе ги поврзува Соединетите држави, Велика Британија и Шпанија.
Според официјалното соопштение, кабелот ќе создаде мрежа која ќе им помогне на потрошувачите и корпоративните производи на Google да бидат пофлексибилни.
Бикеш Коли, потпретседател на глобалната мрежа на Google, изјави дека „откако ќе се заврши, кабелот Грејс Хопер ќе биде еден од првите кабли кој ги поврзува САД и Велика Британија од 2003 година“, додавајќи дека ова е прва инвестиција на компанијата во приватен подморски кабел кон Велика Британија, како и прв воопшто до Шпанија.
Google управува со уште неколку други подморски кабли, меѓу кои и еден од Португалија до Јужна Африка, еден во Чиле кој им служи на клиентите на Google во Латинска Америка, и уште еден кој ги поврзува САД и Франција.
