Откако неодамна беа објавени скоро сите детали за „Samsung Galaxy Note20“ и „Note20 Ultra“, сега достапни се и карактеристиките на идната серија таблети „Galaxy Tab S7“. Двата уреди, „Galaxy Tab S7“ и „S7 +“ споделуваат голем број параметри и имаат скоро идентичен дизајн, освен големината.
„Galaxy Tab S7“ ќе понуди 11-инчен „LTPS“ екран со резолуција од 2560×1600 пиксели и максимална осветленост од 500cd/м2. Поголемиот „Galaxy Tab S7 +“ ќе има 12.4-инчен дисплеј со „AMOLED“ панел, резолуција од 2800×1752 пиксели и врвна осветленост 420cd/m2. Стапка на освежување од 120 Hz ќе биде достапна на двата уреди.
Во комплет со таблетите ќе биде вклучен и „S Pen“ со мала латентност од 9 милисекунди. И двата модели ќе користат чипсет „Snapdragon 865+“ со 5G модем, 6 GB RAM меморија и најмалку 128 GB внатрешна меморија. Мултимедијалниот систем ќе вклучува четири звучници со поддршка за технологијата „Dolby Atmos“.
Главните камери ќе бидат двојни и ќе содржат сензори од 13 MP и 5MP со леќа со ултра широк агол. Селфи камерата ќе биде со 8 мегапиксели. Таблетите исто така ќе бидат компатибилни со новата функционалност на безжичниот приклучок на „DeX“. Тие ќе бидат достапни во иста опции на бои, вклучувајќи црна, бронзена и сребрена боја.
„Galaxy Tab S7“ има димензии 253,8×165,4×6,34 мм и ќе тежи 496 g, и ќе вклучува батерија со капацитет од 7.040mAh. Од друга страна, „Galaxy Tab S7 +“ ќе има големина од 285x185x5,7 mm и тежина од 590 g. Тука батеријата ќе има капацитет од 10.090mAh.
