Американскиот производител на авиони Boeing повторно почна со производството на патничките авиони 737 MAX, кои беа суспендирани во јануари, објави агенцијата Anadolu.
Производството на овие авиони беше суспендирано по две авионски несреќи во кои загинаа 346 патници.
На веб-страницата на компанијата се наведува дека Boeing во последните месеци постигнал значителен напредок за безбедно враќање на производството на 737 MAX.
„Компанијата во овој процес продолжи да соработува со Федералната управа за авијација и останатите глобални регулатори“, се вели во соопштението.
