На интернет кружат гласини дека Apple планира целосно да ги исфрли портовите, и дека наскоро би можеле да видиме iPhone без никаков „влез“.
Наводно, ова може да се случи уште следната година.
Ова за прв пат го објави Твитер корисникот @ 9TechEleven, а тој и порано имал „инсајдерски информации“ кои се покажаа како точни.
Аналитичарот Џон Просер од „Front Page Tech“ се согласува со ова гледиште, а тоа ни кажува дека е скоро извесно дека и тоа ќе се случи. Како што вели, најмалку еден модел на iPhone следната година ќе биде без портови, пренесува Ubergizmo.
Ова е особено интересно затоа што многумина мислеа дека Apple од Lightning портот ќе се префрли на USB-C, но овие гласини, доколку испаднат вистински, значат дека овој чекор би можел да биде „прескокнат“.
Точно е дека моделите на iPhone во моментов поддржуваат безжично полнење, но доколку компанијата се одлучи на ваков потег, тоа сигурно би бил голем ризик.
