Компанијата Bayer соопшти дека продажбата во првиот квартал на 2020 година скокнала за 4,8 проценти во однос на истиот период минатата година и вредела 12,8 милијарди евра.
Нето приходот пораснал за 20 проценти меѓугодишно, на 1,5 милијарди евра или 1,52 евра по акција.
Германскиот фармацевтски гигант наведува дека пандемијата COVID-19 “довела до поголема побарувачка, делумно поради складирање, и така ја зголемила продажбата на некои деловни единици”, додека карантините и ограничувањата кои следеа како резултат на пандемијата од коронавирус “негативно влијаеле” на некои делови од бизнисот на Bayer.