Додека многу компании се во криза поради пандемијата од коронавирус, други пак, поради зголемениот обем на работа бараат илјадници нови работници.
Само во Соединетите Американски Држави без работа останаа повеќе од три милиони луѓе, проценија државните агенции на тие земји кои се занимаваат со вработување.
Меѓутоа, на многу компании поради пандемијата значително им е зголемен обемот на работа, па бараат илјадници нови работници за да одговорат на барањата на пазарот.
Најмногу нови работни места се во компании кои се занимаваат со достава, но и други фирми кои планираат својата стока исто така да ја доставуваат до клиентите.
Така, на пример, дистрибутивниот ланец Amazon поради зголемениот обем на работа бара околу 100.000 работници за своите дистрибутивни центри и достава, а саатница во САД плаќаат од 15 до 17 долари.
Instacart, компанија која се занимава со достава на намирници во САД, објави оглас за вработување на околу 300.000 нови работници за да се исполнат растечките барања на клиентите.
Американска фармацевтска компанија, CVS Helt планира да вработи 50.000 луѓе кои ќе работат во нивните аптеки, дистрибутивните центри и во службите за достава. Вработувањето ќе се врши преку виртуелни саеми и онлајн разговори со кандидатите.
Јапонско-американски ланец за намирници, 7-Eleven исто така има намера да се засили со 20.000 работници за да може да испорача стока на клиентите.
Три синџири на пицерии, Domino, Papa John’s и Pizza Hut, се во потрага за нови работници, најмногу доставувачи, а вкупниот број на слободни места кај нив е околу 50.000.
Синџирот на продавници Walmart, инаку најголемиот индивидуален работодавец во САД, распиша конкурс за 150.000 нови работници.
Коментари