Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

ALK 12,600.00 0.8%    GRNT 1,006.66 0.26%    KMB 6,888.28 1.97%    MTUR 3,900.00 -2.5%    REPL 87,000.00 2.62%    STB 1,167.91 -1.22%    TETE 1,946.00 2.96%    TTK 1,350.00 2.27%    UNI 2,400.00 0%    ZPKO 2,575.00 3%    

„Алкалоид“ донира 200.000 евра и ги намалува цените на 158 производи од својот асортиман

Време: 14:09

Датум: март 24, 2020

Категорија: КОМПАНИИ

“Веќе две недели компанијата „Алкалоид АД Скопје“ функционира во извонредно турбулентни услови. Се бориме за обезбедување залихи на производи кои не ни се примарна дејност, но во моментов се од суштинско значење за сите; се соочуваме со огромни логистички предизвици во услови на затворени граници, блокирани и поскапени суровини и амбалажи; секојдневно носиме одлуки кои се од исклучителна важност за компанијата, при тоа ставајќи акцент на врвниот приоритет: Здравјето на луѓето.

Сето ова се случува во услови кога над 200 наши вработени кои припаѓаат на ризичните групи граѓани се отсутни од работа, па мораме да ги пополнуваме упразнетите места во производните погони со кадар од административните сектори. Почнувајќи од денес, ќе мораме да ги адаптираме и сменските работења во согласност со дозволените термини на движење, имајќи предвид дека голем дел од нашите вработени доаѓаат на работа од подрачја кои гравитираат кон градот Скопје, а сѐ со цел да ги исполниме барањата на пазарот со наши производи.

Во услови кога сите светски економии се оставени сами на себе и се борат за ублажување на ефектите од нова економска криза, кога губењето на работни места е неминовен дел од таа сурова реалност, кога логистичките пречки ја добиваат битката за пласман на производите, ретки се компаниите кои можат да ги надминат овие предизвици и да помогнат на своите економии во вакви тешки времиња.

Додека сѐ уште се консолидираат ресурсите за справување со посилен импакт од вирусот Covid-19, „Алкалоид АД Скопје“ и покрај сите логистички и ресурсни предизвици, одлучи да ги намали цените на 158 свои производи кои во моментов се наоѓаат на листата на потреби веројатно на секое македонско домаќинство: фармацевтските брендови „Аналгин“, „Кафетин“, „Прокулин“, „Бетадине“„Ацерола“, „Блокмакс“, „Бронлес“, лекови за намалување на телесната температура, одредени помошни лековити средства, разни витамини и додатоци во исхраната, средствата за чистење од колекцијата „Глос“, сите дезинфициенси, антисептици, средства со антибактериско дејство и други слични производи. Информацијата за намалувањето на цените на овие производи е проследена до сите чинители во дистрибутивниот ланец (веледрогерии, аптеки, дистрибутери и поголеми ланци на маркети) и истото намалување очекуваме дека ќе се пренесе до крајните корисници.

„Алкалоид АД Скопје“, денес донираше износ од 12.300.000 денари (200.000 евра) на посебната наменска донаторска сметка на македонското Министерството за здравство формирана за целите на справување со здравствената криза.

Осврнувајќи се на сите кризи низ кои компанијата минала во изминативе 84 години постоење, оваа е можеби најневообичаената до сега. Изолација сред цивилизација, страв од непознато, борба за зачувување на најскапоценото: здравјето на луѓето. Љубезно апелираме до целата македонска јавност да ги следи и најодговорно да ги почитува препораките на Министерството за здравство и Владата со цел да се превенира најлошото можно сценарио.

Во оваа прилика, ние како компанија, би сакале да упатиме голема благодарност и желби за добро здравје на сите здравствени работници во земјава и на сите македонски граѓани, а како традиционален партнер на македонското здравство и фармација и како еден од столбовите на македонската економија, подготвени сме со сите научни, технолошки и кадровски капацитети да помогнеме во справувањето со оваа здравствена криза, затоа што ЗДРАВЈЕТО Е ПРЕД СЀ!”, се вели во соопштението на компанијата.

 

НАЈНОВО ОД КАТЕГОРИЈАТА

  • „Mitsubishi“ планира да се раздели со 500-600 вработени

    „Mitsubishi“ планира да се раздели со 500-600 вработени

    „Mitsubishi Motors“ ќе побара 500-600 вработени, главно од раководството, доброволно да се пензионираат. Идејата е ова да се случи во Јапонија од средината на ноември,…

  • 3.500 компании го тужат Трамп

    3.500 компании го тужат Трамп

    Околу 3.500 американски компании, меѓу кои се и „Tesla“ и „Ford“, во последниве две недели ја тужеа администрацијата на претседателот Доналд Трамп поради воведувањето на…

  • Основачот на „Spotify“ ќе инвестира 1 милијарда евра во европски стартапи

    Основачот на „Spotify“ ќе инвестира 1 милијарда евра во европски стартапи

    Извршниот директор на шведската музичка платформа „Spotify“, Даниел Ек објави дека ќе искористи 1 милијарда евра од неговите лични средства за да инвестира во европски…

  • НЛБ Банка ги повикува децата да цртаат за убавините на нашата земја по повод Месецот на штедење

    НЛБ Банка ги повикува децата да цртаат за убавините на нашата земја по повод Месецот на штедење

    Оваа година, по девети пат, НЛБ Банка го организира НЛБ Месецот на штедење на тема: „Ги истражуваме убавините на нашата земја со Тиби и Штуки!”.…

  • Уште еден енергетски гигант се подготвува да покаже „црвен картон“ на нафтата

    Уште еден енергетски гигант се подготвува да покаже „црвен картон“ на нафтата

    Француската енергетска групација „Total SE“ ќе престане да рафинира нафта во регионот на Париз и ќе инвестира над 500 милиони евра до 2024-та година, заменувајќи…

  • 7 врвни филмски наслови на репертоарот на А1 Drive-in киното

    7 врвни филмски наслови на репертоарот на А1 Drive-in киното

    Со најавата за отворање на A1 Drive-in киното на 29 септември со повеќекратниот оскаровец „Паразит“ (Parasite, 2019), A1 Македонија го објави и целосниот репертоар на…

  • Eдна од најголемите австралиски банки заработи рекордна глоба

    Eдна од најголемите австралиски банки заработи рекордна глоба

    „Westpac“, една од најголемите австралиски банки, се согласи да плати рекордна казна од скоро една милијарда долари за систематско дозволување на перење пари. Компанијата денес…

  • Халк Корнерот во ТЦ Лептокарија, обезбеден од страна на Халкбанк, е веќе на располагање на граѓаните

    Халк Корнерот во ТЦ Лептокарија, обезбеден од страна на Халкбанк, е веќе на располагање на граѓаните

    Вчера, официјално завршија активностите околу уредувањето на зелениот корнер, на десната страна од популарната „коцка“ во средината на ТЦ Лептокарија. Уредувањето на овој јавен простор…

  • Две кампањи на Њу момент во финалето на фестивалот за маркетинг „БалКанс“

    Две кампањи на Њу момент во финалето на фестивалот за маркетинг „БалКанс“

    Две кампањи на маркетинг-агенцијата Њу Момент, Њу идеас компани – Скопје, „Кога пчелите ќе стивнат“ и герила-акцијата „Ослободување на дрвјата“ продуцирани и реализирани во изминатава…

  • ИутеКредит е првата естонска компанија која се најде во Генералниот Стандард на Франкфуртската Берза

    ИутеКредит е првата естонска компанија која се најде во Генералниот Стандард на Франкфуртската Берза

    ИутеКредит Европа, водечка европска компанија за лични финансии, по унапредувањето на својата позиција на Регулираниот Пазар, е првата компанија од Естонија која влегува во Генералниот…