Според податоците на компанијата Strategy Analytics, Xiaomi во февруари се најде на третото место меѓу производителите на паметни телефони, надминувајќи ја својата домашна конкуренција, компанијата Huawei.
Податокот се однесува на количината на испорачани паметни телефони во февруари оваа година. Xiaomi тогаш испорачал 6 милиони паметни телефони, додека Huawei испорачал 5,5 милиони.
Првото место на листата сè уште го држи Samsung со испорачани 18,2 милиони паметни телефони, додека Apple е на второто место со испорачани 10,2 милиони паметни телефони.
Листата ја затвораат кинеските компании Oppo и Vivo со 4 односно 3,6 милиони испорачани уреди.
